ក្រុមយុវជនលេងម៉ូតូប្លែកៗ KMR មានសន្ដានចិត្ដប្រពៃក្នុងការជួយសង្គម
ភ្នំពេញ: យុវជនដែលនិយមជិះម៉ូតូជាក្រុម
ខណៈម៉ូតូសមាជិកមួយចំនួនត្រូវបានកែច្នៃទាំងដៃចង្កូត
កង់ក្រោយនិងស៊ីម៉ាំងមិនចាញ់ម៉ូតូចម្បាំង
អាចស្ថិតក្នុងក្រសែភ្នែកមិនល្អរបស់មនុស្សមួយចំនួន។
ប៉ុន្ដែដោយសារតែចំណូលចិត្ដចំពោះម៉ូតូ ក្រុមម៉ូតូសប្បុរសធម៌ Khmer
Mini Rider (KMR) បានកកើតឡើងនៅថ្ងៃទី ១ ខែមករា ឆ្នាំ ២០១៧
ជាមួយសមាជិកមកពី ៣ ខេត្ដ រួមមាន សៀមរាប បាត់ដំបង និងឧត្ដរមានជ័យ
ចំនួនប្រមាណ ២០០ នាក់។
ផ្ដើមចេញពីទឹកចិត្ដរបស់សមាជិកនីមួយៗ ដែលបានចំណាយប្រាក់ហោប៉ៅផ្ទាល់ខ្លួន ខណៈសមាជិកខ្លះខិតខំត្រាច់ចរគ្រប់ច្រកល្ហកពីផ្សារមួយចូលផ្សារមួយ ទៀត ដោយភ្ជាប់ជាមួយលិខិតបញ្ជាក់ពីស្ថាប័នដែលនឹងទទួលជំនួយ ដើម្បីរៃអង្គាសប្រាក់ជួយគ្រួសារក្រីក្រទុរគត សាលារៀន និងមន្ទីរពេទ្យក្រុមម៉ូតូយុវជននេះបានផ្ដួចផ្ដើម និងជួយសម្រាលទុក្ខលំបាកក្នុងសហគមន៍ក្រីក្រមួយផ្នែក។
លោក ធន់ តុលា អាយុ ២៧ ឆ្នាំ ជាប្រធានក្រុមម៉ូតូ KMR បានឲ្យដឹងថា៖ «បើកឆាកថ្ងៃដំបូងក្រោយក្រុមបង្កើតឡើងជាផ្លូវការ យើងខ្ញុំបានចុះជួយគ្រួសារក្រីក្រចំនួន ៣ គ្រួសារ និងមណ្ឌលកុមារកំព្រាមួយ ដែលមានសម្ភារប្រើប្រាស់ និងថវិកាមួយចំនួនថែមទៀត»។
លោកបានបញ្ជាក់ថា អាស្រ័យទៅតាមទឹកចិត្ដសប្បុរសជន និងសមាជិកក្រុម ជាទូទៅក្រុមរបស់លោកមានថវិកាចាប់ពី ២៥០ ដុល្លារសម្រាប់ជួយឧបត្ថម្ភដល់គ្រួសារក្រីក្រមួយ។ ក្រុមម៉ូតូយុវជន ដែលទើបបង្កើតឡើងនៅក្នុងរយៈពេលខ្លី តែបង្ហាញសកម្មភាពច្រើន បានចុះដល់មូលដ្ឋានសហគមន៍ក្រីក្រ ដូចជា ទុរគតជន សាលារៀនដែលមានសិស្សានុសិស្សខ្វះខាតសម្ភារសិក្សា មណ្ឌលកុមារកំព្រា និងមន្ទីរពេទ្យជាដើម។ ឮ
លោក ធន់ តុលា បានរៀបរាប់ពីសកម្មភាពក្រុមរបស់លោកចុះជួយដល់ស្ដ្រីចំណាស់ដ៏ទុរគត គ្មានសាច់ញាតិមួយគ្រាប់ ដែលដេកឈឺលើកន្ទេលក្រោមដំបូលខ្ទមធ្លុះធ្លាយ។
ប្រធានក្រុមម៉ូតូរូបនេះ និយាយថា៖ «ក្រុមម៉ូតូ KMR បាននាំយកគ្រឿងឧបភោគបរិភោគមួយចំនួនជូនដល់លោកយាយ ខណៈខាងកាកបាទក្រហមជូនលោកយាយទៅព្យាបាលនៅមន្ទីរពេទ្យខេត្ដ ឧត្ដរមានជ័យ»។
ចំពោះបញ្ហាសន្ដិសុខសណ្ដាប់ធ្នាប់ ដែលជួនកាលក្រុមម៉ូតូនេះបានធ្វើដំណើរទ្រង់ទ្រាយធំ និងចម្ងាយផ្លូវរាប់រយគីឡូម៉ែត្រ ពួកគេបានបែងចែកជាក្រុមតូចៗ ក្នុងការសម្រួលចរាចរណ៍ និងបើកបរជាជួរដោយមានរបៀបត្រឹមត្រូវ។
លោកបានរៀបរាប់ពីការលំបាកកន្លងមកថា៖ «ពេលធ្វើដំណើរឆ្លងខេត្ដ ពួកយើងតែងជួបបញ្ហាញឹកញាប់ គឺម៉ូតូខូច ពេលខ្លះយប់ងងឹត ផ្លូវស្ងាត់ មានភ្លៀង ផ្លូវលំបាករដិបរដុប រអិល ក៏យើងនៅតែឆ្ពោះទៅមុខដល់គោលដៅ»។
លោក តុលា បានបន្ថែមថា៖ «ប្អូនចង់សុំឲ្យមហាជនមើលឃើញពីសកម្មភាពរបស់យុវជន និងលើកទឹកចិត្ដនូវអ្វីដែលពួកយើងបានធ្វើ កុំឲ្យចោទប្រកាន់ពីភាពអវិជ្ជមាន រំលងអំពើល្អ ដែលពួកយើងបានលះបង់ និងកុំឲ្យចាត់ទុកក្រុមអ្នកបើកបរថាសុទ្ធតែក្មេងទំនើង ពីព្រោះមានក្រុមច្រើនមិនដូចគ្នាទាំងអស់នោះទេ»។
កាលពីខែតុលាកន្លងទៅ ក្រុមម៉ូតូ KMR បាននាំអំណោយមួយចំនួនដែលកើតចេញពីទឹកចិត្ដសមាជិកក្រុមទាំងមូលជូន ដល់កុមារី ៣ នាក់ ដែលឪពុករត់ទៅមានប្រពន្ធថ្មី និងម្ដាយធ្វើចំណាកស្រុកទៅរកការងារធ្វើនៅប្រទេសថៃ៕
=>ដកស្រង់ពី ភ្នំពេញ បុស្ដឹ៍ http://www.postkhmer.com
ផ្ដើមចេញពីទឹកចិត្ដរបស់សមាជិកនីមួយៗ ដែលបានចំណាយប្រាក់ហោប៉ៅផ្ទាល់ខ្លួន ខណៈសមាជិកខ្លះខិតខំត្រាច់ចរគ្រប់ច្រកល្ហកពីផ្សារមួយចូលផ្សារមួយ ទៀត ដោយភ្ជាប់ជាមួយលិខិតបញ្ជាក់ពីស្ថាប័នដែលនឹងទទួលជំនួយ ដើម្បីរៃអង្គាសប្រាក់ជួយគ្រួសារក្រីក្រទុរគត សាលារៀន និងមន្ទីរពេទ្យក្រុមម៉ូតូយុវជននេះបានផ្ដួចផ្ដើម និងជួយសម្រាលទុក្ខលំបាកក្នុងសហគមន៍ក្រីក្រមួយផ្នែក។
លោក ធន់ តុលា អាយុ ២៧ ឆ្នាំ ជាប្រធានក្រុមម៉ូតូ KMR បានឲ្យដឹងថា៖ «បើកឆាកថ្ងៃដំបូងក្រោយក្រុមបង្កើតឡើងជាផ្លូវការ យើងខ្ញុំបានចុះជួយគ្រួសារក្រីក្រចំនួន ៣ គ្រួសារ និងមណ្ឌលកុមារកំព្រាមួយ ដែលមានសម្ភារប្រើប្រាស់ និងថវិកាមួយចំនួនថែមទៀត»។
លោកបានបញ្ជាក់ថា អាស្រ័យទៅតាមទឹកចិត្ដសប្បុរសជន និងសមាជិកក្រុម ជាទូទៅក្រុមរបស់លោកមានថវិកាចាប់ពី ២៥០ ដុល្លារសម្រាប់ជួយឧបត្ថម្ភដល់គ្រួសារក្រីក្រមួយ។ ក្រុមម៉ូតូយុវជន ដែលទើបបង្កើតឡើងនៅក្នុងរយៈពេលខ្លី តែបង្ហាញសកម្មភាពច្រើន បានចុះដល់មូលដ្ឋានសហគមន៍ក្រីក្រ ដូចជា ទុរគតជន សាលារៀនដែលមានសិស្សានុសិស្សខ្វះខាតសម្ភារសិក្សា មណ្ឌលកុមារកំព្រា និងមន្ទីរពេទ្យជាដើម។ ឮ
លោក ធន់ តុលា បានរៀបរាប់ពីសកម្មភាពក្រុមរបស់លោកចុះជួយដល់ស្ដ្រីចំណាស់ដ៏ទុរគត គ្មានសាច់ញាតិមួយគ្រាប់ ដែលដេកឈឺលើកន្ទេលក្រោមដំបូលខ្ទមធ្លុះធ្លាយ។
ប្រធានក្រុមម៉ូតូរូបនេះ និយាយថា៖ «ក្រុមម៉ូតូ KMR បាននាំយកគ្រឿងឧបភោគបរិភោគមួយចំនួនជូនដល់លោកយាយ ខណៈខាងកាកបាទក្រហមជូនលោកយាយទៅព្យាបាលនៅមន្ទីរពេទ្យខេត្ដ ឧត្ដរមានជ័យ»។
ចំពោះបញ្ហាសន្ដិសុខសណ្ដាប់ធ្នាប់ ដែលជួនកាលក្រុមម៉ូតូនេះបានធ្វើដំណើរទ្រង់ទ្រាយធំ និងចម្ងាយផ្លូវរាប់រយគីឡូម៉ែត្រ ពួកគេបានបែងចែកជាក្រុមតូចៗ ក្នុងការសម្រួលចរាចរណ៍ និងបើកបរជាជួរដោយមានរបៀបត្រឹមត្រូវ។
លោកបានរៀបរាប់ពីការលំបាកកន្លងមកថា៖ «ពេលធ្វើដំណើរឆ្លងខេត្ដ ពួកយើងតែងជួបបញ្ហាញឹកញាប់ គឺម៉ូតូខូច ពេលខ្លះយប់ងងឹត ផ្លូវស្ងាត់ មានភ្លៀង ផ្លូវលំបាករដិបរដុប រអិល ក៏យើងនៅតែឆ្ពោះទៅមុខដល់គោលដៅ»។
លោក តុលា បានបន្ថែមថា៖ «ប្អូនចង់សុំឲ្យមហាជនមើលឃើញពីសកម្មភាពរបស់យុវជន និងលើកទឹកចិត្ដនូវអ្វីដែលពួកយើងបានធ្វើ កុំឲ្យចោទប្រកាន់ពីភាពអវិជ្ជមាន រំលងអំពើល្អ ដែលពួកយើងបានលះបង់ និងកុំឲ្យចាត់ទុកក្រុមអ្នកបើកបរថាសុទ្ធតែក្មេងទំនើង ពីព្រោះមានក្រុមច្រើនមិនដូចគ្នាទាំងអស់នោះទេ»។
កាលពីខែតុលាកន្លងទៅ ក្រុមម៉ូតូ KMR បាននាំអំណោយមួយចំនួនដែលកើតចេញពីទឹកចិត្ដសមាជិកក្រុមទាំងមូលជូន ដល់កុមារី ៣ នាក់ ដែលឪពុករត់ទៅមានប្រពន្ធថ្មី និងម្ដាយធ្វើចំណាកស្រុកទៅរកការងារធ្វើនៅប្រទេសថៃ៕
=>ដកស្រង់ពី ភ្នំពេញ បុស្ដឹ៍ http://www.postkhmer.com
ក្រុមយុវជនលេងម៉ូតូប្លែកៗ KMR មានសន្ដានចិត្ដប្រពៃក្នុងការជួយសង្គម
Reviewed by Khmer-Library168
on
8:05 AM
Rating:
Reviewed by Khmer-Library168
on
8:05 AM
Rating:
No comments: