«រៀនអ្វីដែលអ្នកចូលចិត្ត អ្នកនឹងរៀនពូកែ» ត្រូវបានលើកឡើងក្នុង Discovery Day របស់ Limkokwing

“Discovery Day” គឺជាឈ្មោះសិក្ខាសាលាតម្រង់ទិញសិក្សានៃសាកលវិទ្យាល័យអន្តរជាតិ Limkokwing ដែលបានប្រព្រឹត្តទៅកាលពីព្រឹកមិញនេះនៅទីតាំងសាលាដោយផ្ទាល់។ សិក្ខាសាលានេះធ្វើឡើងដើម្បីបង្កឱកាសឲ្យសិស្សនិស្សិតបានស្វែង យល់ឲ្យច្បាស់ពីជំនាញដែលខ្លួនស្រលាញ់ និងជួបផ្ទាល់ជាមួយសាស្ត្រាតាមជំនាញនិមួយៗដើម្បីសួរនាំពីកម្ម វិធិសិក្សា ក៏ដូចជាឱកាសការងារមុនសម្រេចចិត្តរៀនជៀសវាងស្តាយក្រោយ ហើយការពិគ្រោះយោបល់គឺមិនគិតថ្លៃទេ។

លោក Md. Monirul Islam ជាសាកលវិទ្យាធិការ នៃសាកលវិទ្យាល័យ Limkokwing បានឲ្យដឹងថា៖ «ដោយសារកន្លងមកយើងសង្កេតឃើញសិស្សក្មេងៗភាគច្រើនសម្រេចចិត្តរៀន តាមគ្នា ឬតាមការណែនាំរបស់ឪពុកម្តាយ ខ្លះទាំងមិនច្បាស់ថាជំនាញហ្នឹងគេរៀនអី ចេញទៅមកធ្វើការអីផង»។
« តាមពិតទៅការណែនាំរបស់ចាស់ទុំមិនមែនមានន័យថាមិនល្អនោះទេ តែដើម្បីទទួលបានលទ្ធផលល្អក្នុងការសិក្សា ពួកគេគួររៀនអ្វីដែលគេស្រលាញ់ចូលចិត្ត ឬ ត្រូវនឹងទេពកោសល្យរបស់ខ្លួន » ។

« ដូច្នេះសិក្ខាសាលានេះនឹងជួយឲ្យសិស្សដែលទើបតែជាប់ ឬធ្លាក់បាក់ឌុបថ្មីៗ ហើយមិនទាន់ដឹងត្រូវរៀនអី ឲ្យបានយល់ច្បាស់ និងអាចសម្រេចចិត្តចាប់ជំនាញបានត្រឹមត្រូវ ។ ថ្ងៃនេះយើងធ្វើបទបង្ហាញ ៩ជំនាញធំៗ ដែលក្នុងនោះជំនាញដែលសិស្សនិយមរៀនមានដូចជា ស្ថាបត្យកម្ម ព័ត៌មានិវិទ្យា ពាណិជ្ជកម្ម និង ភាសាអង់គ្លេស »។
« ជំនាញទាំងនេះពេញនិយមរៀន ព្រោះក្រៅពីមានឱកាសការងារច្រើនបច្ចុប្បន្ន ថែមទាំងអាចប្រើដើម្បីចាប់ផ្តើមអាជីវកម្មដោយខ្លួនឯងទៀតផង។ អ្នកមិនជាប់បាក់ឌុបក៏អាចចូលរៀនបានដែរ ដោយគេត្រូវចាប់ផ្តើមពីរៀនបញ្ញប័ត្ររង » ។

លោកក៏បានបញ្ជាក់ផងដែរថា៖ «សិក្សានៅ Limkokwing សិស្សនិស្សិតនឹងចេះច្បាស់ ហើយអាចធ្វើការងារបានយ៉ាងល្អ ព្រោះកំឡុងពេលរៀន សិស្សទាំងអស់នឹងតម្រូវឲ្យធ្វើ Project ជាច្រើន ហើយបង្រៀនដោយគ្រូបរទេស និង គ្រូខ្មែរដែលមានបទពិសោធន៍ជាច្រើនឆ្នាំ ការបង្រៀនគឺយកចិត្តទុកដាក់ ដិតដល់ខ្លាំងព្រោះក្នុងមួយថ្នាក់រៀនយើងកំណត់ចំនួនសិស្សត្រឹមតែ ២០នាក់ប៉ុណ្ណោះ»។
« យើងធ្វើការជាមួយក្រុមហ៊ុនជាច្រើនដើម្បីឲ្យសិស្សងាយស្រួលចុះ កម្មសិក្សា។ កន្លងមកក្រោយយចប់កម្មសិក្សា សិស្សរបស់យើងតែទទួលបានការងារធ្វើយ៉ាងឆាប់រហ័ស ដោយសារនិស្សិតចេញពីសាលាយើងពូកែរភាសាអង់គ្លេស មានសម្មតិផលស្រាប់ និងមានសមត្ថភាពពិតប្រាកដ» ។

« រៀននៅសាកលវិទ្យាល័យយើង អាចទៅរៀនបន្តនៅ Limkokwing នៅឯបរទេសដូចជា ម៉ាឡេស៊ី ទីក្រុងឡុងដុងនៃចក្រភពអង់គ្លេស ចិន និងអាហ្វ្រិកជាដើម ។ រាល់ឆមាសយើងតែងមានសិស្សចេញទៅរៀន Exchange Program ក្រៅប្រទេស ភាគច្រើនគេទៅ ម៉ាឡេស៊ី និងអង់គ្លេស ។ នេះជាឱកាសដែលអាចឲ្យសិស្សបានចេញទៅមើលបរិយាសកាសសិក្សានៅប្រទេស គេដើម្បីទទួលបានបទពិសោធន៍ថ្មី» ៕