ស្ងាត់ៗ តារាសម្តែងថៃ Ice Amena លេចមុខលើទឹកដីអង្គរ!

សៀមរាប៖ ស្ងាត់ៗតារាសម្តែងកូនកាត់ថៃ-ប៉ាគីស្ថានកញ្ញា Ice Amena បានលេចមុខលើទឹកដីអង្គរ ខេត្តសៀមរាប ប្រទេសកម្ពុជា ជាមួយរូបសម្រស់យ៉ាងស្រស់ស្អាត។

នេះបើយោងតាមគណនី ក្នុងបណ្តាញសង្គម(IG) របស់តារាស្រីរូបស្រស់ បានបង្ហោះរូបភាពជាច្រើនសន្លឹករបស់នាង ដែលថតជាប់ជាមួយប្រាសាទអង្គរវត្ត និងទីកន្លែងស្អាតៗមួយចំនួនទៀត ក្នុងខេត្តសៀមរាប។

ចំពោះវត្តមានរបស់តារាសម្តែង រូបនេះ ក៏បានធ្វើឲ្យអ្នកគាំទ្រ មានការភ្ញាក់ផ្អើលយ៉ាងខ្លាំង ពេលឃើញតារាក្នុងដួងចិត្តពួកគេ បានមកលេងទឹកដីអង្គរបែបនេះ។

ហើយបើតាមមើលសម្លៀកបំពាក់ គឺនាងបានស្លៀកពាក់ជាមួយនឹងឈុតសាមញ្ញបំផុត ប្រហែលជានាង មកសម្រាកលំហែកាយជាលក្ខណៈឯកជន ច្រើនជាងមកធ្វើការងារសិល្បៈ។

ជាក់ស្ដែងក្រៅពីតារាសម្ដែងថៃ Ice Amena ក៏នៅមានវត្តមានតារាថៃល្បីៗផ្សេងទៀត ដូចជា៖ Yaya Urassaya និង នាងIce Apitsada ពួកគេសុទ្ធតែធ្លាប់បានមកលេងកម្ពុជា ពិសេសនៅទឹកដីអង្គរនេះ តែម្ដង៕

ចង់ជ្រាបច្បាស់ទស្សនារូបភាពខាងក្រោម៖